Para perruquerías
A túa axenda e a porta,nunha soa cola.
Quen ten cita pasa á súa hora. Quen entra sen cita colle quenda cun QR e vai facer un recado: o móbil avísao cando lle toca. Sen deixar unha tintura a medias para explicar canto falta.
- Plan gratuíto para sempre
- Sen app para os teus clientes
- Cita previa e sen cita xuntas
Un sábado calquera na perruquería
Xente agardando sen saber canto falta
Mentres alguén ten a tintura posta, na entrada acumúlase xente sen cita que pregunta cada cinco minutos.
Citas e sen cita, mesturadas
A cita das doce chega puntual e quen entrou ás once e media tamén quere pasar. E ti, co secador na man, decidindo.
Máis traballo do que cabe no día
Unha cor son dúas horas. A media tarde sabes que non chegas, pero segue entrando xente sen cita.
Así funciona na túa perruquería
Sen aparellos que mercar: un QR na entrada e o móbil ou a tableta de cada posto.
- 1
Escanea o QR da entrada
Escolle o servizo e recibe o seu número no móbil, sen descargar nada. Quen ten cita confírmaa ao chegar.
- 2
Agarda onde queira
Ve no móbil cantos ten diante e canto falta. Pode facer un recado sen perder a vez.
- 3
Chámalo cando quedas libre
Un toque no móbil ou na tableta do teu posto: soalle o aviso e, se tes tele, o seu número sae na pantalla.
Feito para como traballa unha perruquería
Para que a axenda e a xente que entra sen cita convivan sen líos.
Cita previa e sen cita, na mesma cola
Activa a cita previa no servizo e os teus clientes reservan día e hora. Ao chegar á súa hora confirman a cita e pasan diante; quen vén sen cita agarda coa quenda á vista.
Unha cola por servizo
Corte, cor e peiteado, cada un co seu tempo medio e a súa cola, para que a espera que ve o cliente sexa realista. Desde Starter, ata 3 servizos.
Límite de quendas sen cita ao día
Fixa cantos clientes sen cita aceptas cada día. Ao chegar ao máximo, o QR deixa de dar quendas e convídaos a pedir cita. Con 0, o servizo funciona só con cita.
Aviso no móbil cando lle toca
Pode tomar un café ou facer a compra: o móbil avísao en canto o chamas.
Un posto por estilista
Cada estilista chama desde o seu propio posto, no móbil ou nunha tableta. Sen contas nin contrasinais para o equipo.
Horario de apertura
Fóra de horario o servizo detense só: ninguén colle quenda coa persiana baixada.
Déixalo listo nunha tarde
- 1Crea os teus servizos («Corte», «Cor»…) co tempo medio de cada un.
- 2Activa a cita previa con franxas de 30 ou 60 minutos e os días nos que se pode reservar.
- 3Pon un límite de quendas sen cita ao día, se queres pechar a porta a tempo.
- 4Imprime o QR do quiosco en liña e ponno na entrada e na recepción.
Que plan precisas?
Se atende unha soa persoa cun servizo, o plan gratuíto abonda: 500 quendas ao mes, 1 servizo e 1 posto. Para separar corte, cor e peiteado, ou atender á vez en dous postos, Starter (19 €/mes) dá 3 servizos e 2 postos, sen a marca nin os anuncios de yourturn.space.
Ver todos os plansPrefires que cho monten?
Un instalador da túa zona pon a pantalla, a tableta ou a impresora e déixache o sistema funcionando.
Preguntas frecuentes
Os meus clientes teñen que descargar unha app?+
Non. Escanean o QR coa cámara do móbil e a quenda ábrese no navegador. Se activan os avisos, chégalles unha notificación cando os chamas, aínda que pecharan a pantalla.
Que pasa cos clientes que teñen cita?+
Confirman a cita ao chegar, dentro da marxe que fixas arredor da súa hora, e entran na cola con prioridade. Se chegan demasiado tarde, a cita caduca e collen quenda coma os demais.
Podo deixar de dar quendas cando xa non chego?+
Si. Co límite diario de quendas sen cita, o QR deixa de dalas ao chegar ao máximo e, se tes a cita previa activada, proponlle ao cliente pedir cita.
E o cliente que non usa o móbil?+
Dáslle quenda ti desde o panel nun momento e dislle o seu número. Se tes pantalla no local, verao cando o chames.
Canto custa?+
Hai un plan gratuíto para sempre, sen tarxeta: 500 quendas ao mes, 1 servizo, 1 posto e 1 quiosco, coa marca e os anuncios de yourturn.space. Cando se che quede pequeno, Starter custa 19 €/mes e Pro 59 €/mes. Sen permanencia.
Que a axenda e a porta vaian a unha
Crea a túa conta gratis, imprime o QR e próbao este mesmo sábado.
Crear conta gratisSen tarxeta de crédito · Sen permanencia
Tes outro tipo de negocio?